Американскиот претседател Доналд Трамп им рече на лидерите на Г7 на виртуелен состанок во среда дека Иран „наскоро ќе се предаде“, објави Аксиос, цитирајќи три претставници од земјите од Г7.
Според извештајот, Трамп им рекол на сојузниците дека „се ослободил од рак кој нè загрозуваше сите нас“, додека се фалел со резултатите од операцијата „Епски бес“ за време на повикот на Г7 во среда наутро.
Амбасадорот на Иран во ОН во Женева, Али Бахреини, предупреди дека воените бази во Европа би можеле да станат легитимни цели.
„Секоја воена база што се „користи за напад врз Иран“, вклучително и оние на европско тло, би можела да стане легитимна цел во средината на војната на Блискиот Исток, објави Еуроњуз.
„Да бидеме јасни, нашата војска прогласи политика дека секој објект, секоја база што се користи за напад врз Иран, би била легитимна цел за нашата војска“, рече амбасадорот Бахреини во четврток.
На прашањето дали тоа може да вклучува локации во Европа, тој рече: „Ние ќе ја браниме нашата земја во согласност со она што е потребно за да ја обезбедиме и да осигуриме дека нема агресија против нашата земја“.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
