Еден ден откако и понуди на Канада едномесечно одложување на царините од 25 отсто за увоз од таа земја, американскиот претседател Доналд Трамп денеска се закани со нови царини за канадската граѓа и млечни производи.
Тој конкретно се осврна на канадската царина од околу 250 отсто за извозот на млеко од САД во таа земја и посочи дека ќе одговори на тоа „долар за долар“, објави Си-Ен-Ен.
„Канада со години ни краде на млечни производи и дрва“, рече Трамп.
По таа закана од царини, берзанскиот индекс Дау Џонс падна за 300 поени или 0,7 отсто, S&P 500 за 0,9 отсто, а Nasdaq за уште 1,2 отсто.
Најавата на Трамп донесе нова доза на нестабилност кај инвеститорите, компаниите и потрошувачите, иако само еден ден претходно, во четвртокот, тој најави одложување за еден месец на сите царини за Канада и Мексико за производите што се во согласност со договорот за слободна трговија.
Ова им донесе големо олеснување на многу економски сектори, особено на автомобилската индустрија и земјоделството, пренесува Танјуг.
ИЗДВОЕНИ
Двајца Македонци загинаа во тешка сообраќајна несреќа во Италија
Пациент кој се лекуваше во Грција вечерва слета на скопскиот аеродром
Мицкоски се сретна со херојот од Виница: „Јован Костадинов е симбол на една нова генерација, од неговиот чин се учи како да се биде човек“
Хотелите со 4 и 5 ѕвезди се безбедни, што е со дивите објекти што примаат гости?
