Претседателот на Соединетите Американски Држави, Доналд Трамп, изјави дека не е загрижен за потенцијални напади од страна на Иран или неговите сојузници на американска почва, додека Федералното истражно биро на САД (ФБИ) предупреди дека ирански беспилотни летала би можеле да бидат испратени на Западниот брег на Соединетите Американски Држави.
– Не, не сум загрижен – одговори Трамп кога беше прашан дали е загрижен за наводите дека Иран би можел да ја прошири својата одмазда и наводно да нападне американска почва, пренесе CNBC.
Според извештајот на ABC News, ФБИ ги предупреди агенциите за спроведување на законот во американската држава Калифорнија дека Исламската Република би можела да возврати на американските напади со лансирање беспилотни летала кон Западниот брег.
ФБИ во предупредувањето од февруари изјави дека Иран наводно планира изненадувачки напад со употреба на беспилотни летала од неидентификуван брод покрај брегот на Соединетите Американски Држави, поточно врз цели во Калифорнија, доколку САД извршат напади на Иран.
ФБИ додаде дека нема дополнителни информации за времето, начинот на извршување, точните цели или сторителите на можниот напад.
Портпаролите на ФБИ, Полициската управа на Лос Анџелес, гувернерот на Калифорнија и градоначалникот на Лос Анџелес не одговорија на барањата на Ројтерс за коментар.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
