Трамп и Путин разговарале час и половина, Кремљ ги објави деталите

Американскиот претседател Доналд Трамп разговараше по телефон речиси 90 минути со рускиот претседател Владимир Путин, нудејќи му помош за наоѓање решение за прекин на војната во Украина, изјави помошникот на рускиот претседател Јуриј Ушаков.

Според него, разговорот се одржал во сабота, на Денот на независноста на Соединетите Американски Држави, а Трамп ја дал понудата во контекст на неговото планирано учество на самитот на НАТО што ќе се одржи во Турција следната недела.

„Претседателите природно го допреа прашањето за решавање на конфликтот во Украина, земајќи го предвид претстојното учество на Доналд Трамп на самитот на НАТО во Турција на 7 и 8 јули“, изјави дипломатскиот советник на Кремљ, Јуриј Ушаков, пренесе новинската агенција РИА Новости. Американскиот претседател уште еднаш ја потврди својата подготвеност да работи на брзо завршување на борбите и да најде решение за надминување на кризата“, рече Ушаков.

Тој додаде дека Русија се стреми кон „политичко-дипломатско решение на конфликтот“.

Ушаков го опиша разговорот како „деловен и многу конструктивен“, додавајќи дека Русија продолжува да се залага за „политичко и дипломатско решение на конфликтот, со целосно почитување на фундаменталните позиции на Русија“.

Украинскиот претседател Володимир Зеленски, исто така, рече дека разговарал со Трамп.

„Претседателот Трамп и јас разговаравме за моменталната ситуација на фронтот и нашите дипломатски напори. Постои реална перспектива за завршување на оваа војна, а решителноста на Америка е клучна“, наведе Зеленски на социјалните мрежи. Се согласивме да ги продолжиме овие разговори на самитот на НАТО во Анкара“, додаде тој.