Трамп го нападнал Хегсет за дезинформации за воените залихи?

Минатата недела, американскиот претседател Доналд Трамп наводно се судрил со министерот за одбрана Пит Хегсет околу состојбата на залихите со муниција.

Според „Вашингтон пост“, Трамп му рекол на министерот дека верува оти Белата куќа била погрешно информирана за состојбата на воените залихи, особено во контекст на евентуално продолжување на воените операции во Иран.

Повикувајќи се на два извори, весникот наведува дека разговорот се одржал во Кемп Дејвид за време на состанок на кабинетот. Според извештајот, Трамп го прекорил Хегсет бидејќи верувал дека проблемот со недостигот на ракети со долг дострел и пресретнувачи веќе е решен.

Во текстот, исто така, се наведува дека министерот за одбрана ја префрлил одговорноста за моменталната ситуација на својот заменик, Стивен Фајнберг.

Портпаролката на Белата куќа, Каролин Ливит, ги отфрли тврдењата како лажни.

„Ова е целосна измислица. Ова едноставно не се случило. Претседателот Трамп има целосна доверба во министерот Хегсет“, изјави Ливит за „Вашингтон пост“.

Нејзините тврдења беа поддржани од портпаролот на Пентагон, Шон Парнел.

„Секретарот Хегсет никого не го довел во заблуда за состојбата на нашето оружје, ниту пак ја префрли одговорноста на заменик-секретарот Фајнберг“, рече Парнел.

Тој додаде дека тврдењата за исцрпени залихи, внатрешни несогласувања и ставот на министерот за одбрана кон Иран се „измислени“.