Со трагичен епилог заврши потрагата по исчезнатиот 63-годишен маж од селото Форино, по кого полицијата, пожарникарите и жителите трагаа во текот на целата ноќ. Според информациите, исчезнувањето било пријавено синоќа околу 21:30 часот, откако семејството пријавило дека тој не се вратил дома и не можеле да стапат во контакт со него.
Мажот работел како овчар во бачило во околината на Врапчиште, поради што веднаш била организирана теренска потрага во поширокиот регион. Во акцијата учествувале полициски службеници, пожарникари од Гостивар, како и граѓани кои се вклучиле во обидот да се пронајде исчезнатото лице.
По речиси 9 часа потрага, утрово околу 6 часот, 63-годишникот бил пронајден без знаци на живот на територијата на Врапчиште, во близина на пат кој моментално го гради приватна компанија. На местото пристигнала екипа на Итната медицинска помош, каде лекар констатирал смрт. Телото е предадено на обдукција за да се утврдат точните причини за смртта.
ИЗДВОЕНИ
Д-р Борислав Калковалиев: Модерната хирургија може успешно да се развива и надвор од Скопје
Шпицот на сезоната ги „запали“ цените во Охрид, апартманите до 130 евра
Димитриеска-Кочоска: Буџетските приходи пораснаа за 8,6 отсто, јавните финансии се стабилни
КОЛУМНА, ГЕНЕРАЛ ГОРАНЧО КОТЕСКИ: НАТО-САМИТ ВО АНКАРА – ЌЕ СЕ ПОКАЖЕ ЕДИНСТВО ИЛИ УШТЕ ПОГОЛЕМ РАЗДОР?
