Трагедија во семејството на Синди Крафорд: Нејзиниот син Пресли Гербер почина на 27-годишна возраст

Синот на Синди Крофорд, манекенот Пресли Гербер, почина на 27-годишна возраст, потврди нејзиниот претставник за CNN. Od Канцеларијата на округот Лос Анџелес соопштија дека Гербер починал во неделата во установа за рехабилитација. Причината за смртта засега не е објавена.

„Семејството бара приватност во овој исклучително тежок и болен период“, порача портпаролот на Крафорд.

Гербер, роден во Калифорнија во 1999 година, беше едно од двете деца кои Синди Крафорд ги доби со бизнисот Ранде Гербер. Исто како и неговата сестра Каја Гербер, тој рано влезе во светот на модата, а на модната писта дебитираше на само 16 години, носејќи ревија за италијанскиот бренд „Moschino“.

Во текот на кариерата соработуваше со бројни познати модни куќи, меѓу кои се „Burberry“, „Dolce & Gabbana“, „Bottega Veneta“, „Tommy Hilfiger“ и „Ralph Lauren“. Се појавуваше и во кампањи за „Calvin Klein“, „Celine“, „Pepsi“ и „Omega“, како и во списанијата „GQ Style“ и „The New York Times Style Magazine“.

Освен со манекенство, Гербер се занимаваше и со инвестиции и претприемништво. Во последниве години отворено зборуваше за своите проблеми со менталното здравје и зависноста. Во подкастот „Studio 22“ во 2023 година зборуваше за важноста од подигање на свеста за менталното здравје, истакнувајќи дека тоа е „голем дел од неговиот живот“.

Ја покрена и сопствената иницијатива „Mental Health Mondays“ (Понеделници за ментално здравје), а соработуваше и со организации кои се занимаваат со ментално здравје и помош за бездомниците.

Во декември минатата година, Гербер на Инстаграм објави видео во кое зборуваше за користењето лекови на рецепт, вклучувајќи антидепресиви и „Ксанакс“ поради напади на паника. Во објавата наведе дека во последно време доживеал „многу загуби во различни форми“.

Синди Крафорд тогаш во коментар му порача: „Пресли – те сакаме и не си сам.“

Претходно овој месец, неговата сестра Каја зборуваше за неговата борба со зависноста во интервју за американскиот „Vogue“. Таа изјави дека неговото искуство силно влијаело врз целото семејство и го опиша како личност која е подготвена отворено да зборува за сопствените проблеми.

Синди Крафорд во јули, повод неговиот 27-ми роденден, објави порака во која напиша дека е горда на човекот кој тој станал, но дека секогаш ќе го гледа како свое момче.