Екипата на МЗТ Скопје пропушти уште една можност за пласман во првата АБА- лига. Тимот од Аеродром оваа сезона не стигна ниту до плејофот, а таа надеж згасна на гостувањето кај Широки Бријег, каде што загуби со 111:109 по продолженијата.
Иако амбициите пред секоја сезона се пласман во АБА-лигата, сепак, резултатите покажуваат дека не се „дораснати“ за такво нешто, па, како и секоја година, домашното првенство ќе биде единствената опција за трофеј, односно успех. Но, на меѓународната сцена речиси и да не постоиме.
Тимот од Аеродром, кој секоја година има најквалитетен тим и ростер, и оваа година ќе мора да се задоволи само со домашната титула, покрај онаа во Купот. Рака на срце, премалку за тим што секоја година најавува атака за влез во АБА- лигата, во која играат тимови од сите поранешни ју-простори, освен од Македонија.
Шанса за подобро светло има тимот на ТФТ Скопје, кој во плејофот ќе игра против Златибор, тим што заврши на второто место на табелата, во регуларниот дел.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
