Телата вратени како каша во кутија за чевли

Жена скршена од тага која ги загубила сопругот и синот во фаталната катастрофа на подморницата „Титан“ открила дека нивните останки на крајот ѝ биле вратени како „каша“ во мали „кутии со големина на кутија за чевли“.

Кристин Давуд – чиј сопруг Шахзада и нивниот 19-годишен син Сулејман загинале кога нивната подморница имплодирала на пат кон остатоците од „Титаник“ во 2023 година – рекла дека била принудена да издржи мачно чекање за да го добие она што останало од нивните останки.

„Не добивме тела девет месеци“, изјавила таа за „Гардијан“ за тоа мрачно враќање.

– Па, кога велам тела, мислам на кашата што останала. Пристигнале во две мали кутии, како кутии за чевли.

„Немаше многу што можеа да најдат“, рекла таа.

„Има голема купка што не можат да ја одвојат, целата измешана ДНК, и ме прашаа дали сакам малку од неа. Но, јас реков не, само она што знаете дека им припаѓа на Сулејман и Шахзада.“

Шахзада и Сулејман беа меѓу петте лица на подморницата „Титан“ кога таа одеднаш имплодираше на пат кон познатата олупина на дното на Северниот Атлантик во јуни 2023 година.

Подморницата „Титан“ исплови утрото на 18 јуни, но изгуби контакт со матичниот брод приближно два часа подоцна.

Истражителите утврдија дека остатоците подоцна пронајдени на дното на океанот – околу 984 стапки од „Титаник“ – се во согласност со „катастрофална имплозија“.

„Мојата прва мисла беше фала му на Бога“, рече Давуд. „Кога рекоа катастрофална, знаев дека Шахзада и Сулејман дури и не беа свесни што се случило. Во еден момент беа таму, а следниот ги немаше.“

„Сознанието дека не страдаа беше многу важно. Ги нема, но начинот на кој заминаа некако го олеснува тоа“, додаде таа.