Претседателот на Собранието, Африм Гаши утреа ќе отпатува за Софија каде ќе учествува на состанок на Процесот за соработка на Југоисточна Европа. Тој најави дека ќе има и билатерална средба со бугарската колешка, Михаела Доцова која ќе се одржи на нејзино барање.
— Добивме покана од нив за билатерална средба на која ќе разговараме за соработка на парламентарно ниво. Досега, имајќи ја предвид политичката ситуација во Бугарија, не сме имале никаква соработка и комуникација, сега се трудиме да воспоставиме – изјави Гаши.
Тој не очекува на средбата Доцова да ги повтори барањата на бугарската претседателка Илијана Јотова упатени до македонската претседателка Гордана Сиљановска-Давкова.
— Одам со позитивна мисла и со добро познатите позиции на државата, а тоа е дека треба да разговараме и заеднички да соработуваме на евроинтегративниот пат. Во однос на уставните измени моите ставови се познати, тоа се ставови на државата, но и мои лични. Да одиме напред, да не спојува иднината, а не минатото — рече Гаши.
ИЗДВОЕНИ
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
„Изговори не прифаќам“ им порача Мицкоски на маркетите – намалете ги цените или ќе реагира Владата
Младите добиваат 10.000, постарите 7.000 евра за самовработување
