Македонскиот кошаркарски репрезентативец Теодор Симиќ имаше фантастично деби во НЦАА-лигата откако блесна во убедливата победа на Тексас Арлингтон против Норт Тексас Далас со 89:56.
Македонскиот центар беше меѓу најзаслужните за триумфот на својот тим, реализирајќи 16 поени и девет скока за само 18 минути поминати на паркетот.
За него, ова е прво искуство во американската кошарка. Претходно беше дел од младинската школа на Барселона, по што настапуваше за Прат во Втората шпанска лига.
Имаше и кратка авантура во Босна и Херцеговина, додека во македонскиот шампионат го носеше дресот на ТФТ Скопје и на Кожув. Со ваквиот настап, тој на најдобар начин го најави својот почеток во американската колеџ-кошарка.
ИЗДВОЕНИ
Хаџи Василева контра Калајџиев кој смета дека судија не може да одговара за прикривање имот: Правните мислења не се докази
Администраторите најдоа решение за пензионерите во Алта банка Битола, но неизвесна исплатата на платите во јавниот сектор
Само 180.000 евра одливи од Алта банка кон Србија, нема милионски трансфери ниту докази за перење пари
Илија Андовски назначен за главен администратор во Алта банка Битола
