Со чистење на скопскиот Аквадукт, почна тридневната еколошка акција „Генералка викенд“

Со чистење на скопскиот Аквадукт, почна тридневната еколошка акција „Генералка викенд“. Министри, градоначалници, шефицата на државата, амбасадори и волонтери даваат поддршка за спроведување на „Генералка викенд 2025“.

– Денес сме кај Скопскиот Аквадукт, заедно со претседателот на Република Македонија Гордана Силјановска Давкова, вицепремиерот Изет Меџити, колегата Висар Ганиу, Амбасадорот на Австрија Мартин Памер, министерката за образование Весна Јаневска и стотици волонтери, за да дадеме поддршка и да спроведеме една мошне важна и значајна иницијатива – ГЕНЕРАЛКА ЊЕЕКЕНД 2025. Се работи за национална акција за чистење што ја организира „МЕН ЕНД МАУНТЕН“ и зад која веднаш застанав како Претседател на ЗЕЛС, како градоначалник и како човек на кој му е важна чистата животна средина – истакна градоначалникот на општина Кисела Вода, Орце Ѓорѓиевски.

Тој повикува сите да дадеме целосна поддршка.

– Уверен сум дека ова не е само еднодневен ангажман, туку симболичен и суштински поттик за системски пристап кон унапредување на хигиената и односот кон животната средина во сите општини. Особено значење има тоа што денешното отворање се случува токму тука – кај Скопскиот Аквадукт – место со голема историска и културна важност, но истовремено, би рекол и ,,жртва” на долгогодишна негрижа – истакна Ѓорѓиевски.

(С.Бл.)