Управата за цивилна заштита во Хрватска утринава нешто пред пет часот испрати предупредување до граѓаните поради пожар што го зафати отпадот во фабриката „Метис“ во Кукуљаново кај Риека и ширењето на чадот.
На граѓаните им се препорачува да ги затворат прозорците и да избегнуваат престој на отворено и изложеност на чад, пренесува „Индекс“.
На некои предупредувањето им пристигнало во 4:45 часот, а на некои во 5:35 часот. Предупредувањето било испратено на хрватски, англиски и германски јазик.
Предупредувањето е испратено за подрачјето на градот Бакар, како и за општините Чавле и Кострена. Аларм добиле и жителите на Краљевица и дел од подрачјето на Цриквеница.
