Земјотрес со магнитуда од 6,0 степени го погоди брегот на Куба во понеделник, соопшти Германскиот геофизички истражувачки центар (GFZ).
Според GFZ, епицентарот на земјотресот бил на длабочина од 10 километри. Нема непосредни извештаи за штети или повредени.
Геолошкиот институт на САД објави дека магнитудата на земјотресот била 6,1, а епицентарот се наоѓал на околу 104 километри западно-северозападно од градот Мантуа.
Не е издадено предупредување за цунами по земјотресот, соопшти Националната метеоролошка служба.
Земјотресот бил почувствуван дури до Флорида.
Властите продолжуваат да ја следат ситуацијата додека ги проценуваат можните последици од земјотресот во погодената област.
Земјотресот го погоди раседот Ориенте, кој се наоѓа крај југоисточниот брег на Куба.
Земјотресите на овој расед предизвикаа значителна штета.
Последниот голем во 2020 година имаше магнитуда од 7,7 степени и предизвика штета на Куба и Кајманските Острови, пренесе „Бета“.
ИЗДВОЕНИ
ПРОМЕНАТА НА ИЗБОРНОТО ЗАКОНОДАВСТВО ВО НАЈДЕЛИКАТНА ФАЗА: Ќе чека ли една изборна единица некои други избори?
Домашните трговски марки со силен извозен потенцијал добиваат нов поттик
Струјата, од следната година, би можела да поевтини за 5 до 10 проценти, најави Мицкоски
Расте револтот во аграрот, земјоделците бараат смена на Трипуновски и најавуваат протести
