Кинескиот претседател Шји Џинпинг организираше свечен прием за американскиот претседател Доналд Трамп. По официјалната церемонија, разговорите што траеја повеќе од два часа и обиколката на Небсниот храм, за Трамп и неговата делегација беше одржана свеченост во „Златната соба“.
Фотографиите од внимателно поставените маси, со златни вилушки, лажици и ножеви, кружеа низ целиот свет, а сега е познато што Шји Џинпинг им „послужи“ на Трамп и неговата делегација за вечера.
Гостите ќе уживаат во предјадење, а потоа во главно јадење кое се состои од јастог во доматна супа, крцкави говедски ребра, динстан сезонски зеленчук, бавно варен лосос во сос од сенф, пржени свински лепчиња и, секако, специјалитетот – пекиншка патка.
За десерт, гостите ќе можат да избираат од слатки пецива, до тирамису, како и овошје и сладолед.
За време на својот говор на свеченоста, американскиот претседател ја искористи можноста да го покани својот кинески колега Шји Џинпинг да ги посети САД на 24 септември. Во Пекинг, Трамп рече дека му е чест да им упати покана на Шји и првата дама на Кина, Пенг Лијуан, да ги посетат.
„Со нетрпение го очекуваме тоа. А сега би сакал да кренам чаша и да наздравам за богатите и трајни врски меѓу американскиот и кинескиот народ“, рече Трамп за време на државниот банкет, кој кинескиот лидер го организираше во Големата народна сала во Пекинг во чест на американскиот претседател за време на неговата официјална посета на Кина.
„Со нетрпение го очекуваме тоа. А сега би сакал да кренам чаша и да наздравам за богатите и трајни врски меѓу американскиот и кинескиот народ“, рече Трамп за време на државната свеченост, кој кинескиот лидер го организираше во Големата народна сала во Пекинг во чест на американскиот претседател за време на неговата официјална посета на Кина.
Шји рече дека односот меѓу Кина и САД е „најважен во светот“ и предупреди дека двете страни не смеат да го „расипат“.
„Денес, претседателот Трамп и јас имавме детални разговори за односите меѓу Кина и САД и меѓународната и регионалната динамика. Двајцата веруваме дека односите меѓу Кина и САД се најважните билатерални односи во светот. Мора да ги направиме успешни и никогаш не смееме да ги расипеме“, рече кинескиот претседател.
Шји Џинпинг рече дека и Кина и САД „можат да победат преку соработка и да изгубат преку конфронтација“.
„Нашите две земји треба да бидат партнери, а не соперници“, рече кинескиот лидер.
Шји, исто така, рече дека тој и Трамп се согласиле да изградат „конструктивен однос на стратешка стабилност“ меѓу двете земји за да се поттикне „стабилен, здрав и одржлив развој“ на билатералните односи и да се донесе повеќе мир, просперитет и напредок во светот.
