По изјавата на рускиот претседател Владимир Путин, кој го спомена поранешниот канцелар Герхард Шредер како можен посредник за мир, Германија го разгледува претседателот Франк-Валтер Штајнмаер како потенцијален преговарач, објави денес „Дер Шпигел“, повикувајќи се на извори во владејачката коалиција.
Весникот наведува дека Шредер „не изгледа способен сам да преземе толку голема задача“, но „преговарачки дуо“ од Шредер и Штајнмаер „би била интересна идеја“.
Мандатот на Штајнмаер како сојузен претседател завршува, а неговиот наследник ќе биде избран на 30 јануари 2027 година.
Британскиот весник „Фајненшл тајмс“ на 7 мај објави дека, соочени со недостатокот на напредок во мировните преговори меѓу Русија и Украина, лидерите на ЕУ размислуваат да започнат свои разговори со Путин.
Ројтерс денес објави дека германската влада го отфрлила предлогот на рускиот претседател да го вклучи поранешниот канцелар Шредер како медијатор за да се стави крај на војната на Русија во Украина.
Извори од германската влада изјавија дека „пријателот на Путин едноставно не може да биде медијатор“ и дека е важно Украина прво да го прифати медијаторот.
Канцеларијата на Герхард Шредер одби да коментира за предлогот на Путин.
Шредер, социјалдемократ кој сега има 82 години, беше на власт од 1998 до 2005 година и е силен поддржувач на Путин веќе 20 години.
Путин верува дека украинскиот конфликт е при крај и откри кого од ЕУ претпочита за разговори
ИЗДВОЕНИ
СЕ РАЗЈАСНУВА РАСПРЕДЕЛБАТА НА ВЛАДИНИТЕ РЕСОРИ: Вреди со шест ресори меѓу кои и правда, култура и односи меѓу заедниците, ЗНАМ со две министерства
НАЈАВА ОД ЧЕСТВУВАЊЕTO НА СПОМЕНОТ НА ПРОГОНОТ НА МАКЕДОНЦИТЕ ВО ГРАЃАНСКАТА ВОЈНА ВО ГРЦИЈА: Релјефот на мајката со трите деца се враќа на споменикот на децата бегалци од Егејска Македонија
ЖИВОТНИ ПАТОКАЗИ, ЗОРАН КРСТЕВСКИ: ЖИВЕЈ СО СМИСЛА
Бојан Илиевски како вистинска суперѕвезда! Победник во шоуто „Ѕвездите на Гранд“ спектакуларно дочекан и во општината Кисела вода
