Министерството за правда на САД води истрага против Алис Хуанг – жена за која американските власти се сомневаат дека е кинески шпион – за да утврди дали лица поврзани со неа учествувале во обиди за шверц на производи од компанијата „Super Micro Computer Inc.“ во Кина, објави денеска „Блумберг“ („Bloomberg“), повикувајќи се на извор запознаен со случајот.
„Оваа истрага, за која претходно немаше извештаи, ја води Канцеларијата на американскиот обвинител на Менхетен“, изјави изворот, кој побара да остане анонимен поради чувствителната природа на случајот.
Според „Блумберг њуз“ („Bloomberg News“), Министерството за правда веќе спроведува истрага против „Megaspeed International“ – компанија која претходно била поврзана со Алис Хуанг – поради обвинувања за шверц на полупроводници, пренесе „Танјуг“.
