Американскиот државен секретар Марко Рубио сугерираше дека Украина ќе треба да отстапи дел од своите територии како дел од каков било договор за ставање крај на војната.
„Мислам дека и двете страни мора да прифатат дека нема воено решение за оваа ситуација“, им рече Рубио на новинарите на летот за Саудиска Арабија, каде во вторник ќе се одржат клучните разговори со украинските претставници.
„Русите не можат да ја освојат цела Украина, но исто така ќе биде многу тешко за Украина да ги принуди Русите да се повлечат на позициите што ги имаа во 2014 година во разумна временска рамка“, додаде тој.
