Седум српски државјани се повредени во експлозија на плинска боца на аеродромот Хершинг во близина на Линц, Австрија. Повредените биле српски возачи на камиони, а несреќата се случила додека си подготвувале оброк, односно при користење плинска боца за готвење. Од непозната причина, боцата одеднаш експлодирала.
Како што објави Нова С, еден од очевидците бил 53-годишен српски државјанин, кој веднаш им притрчал на помош на повредените колеги по експлозијата.
Двајца од нив 41-годишен и неговиот 54-годишен колега се најтешко повредени. Двајцата се пренесени со хеликоптер во Општата болница во Виена.
Петте повредени мажи се згрижени во болниците во Линц и Велс.
Полицијата започна истрага за да се утврди точната причина за експлозијата.
