Јеменските Хути се заканија дека ќе го затворат теснецот Баб ел-Мандеб, една од најважните бродски линии во светот, предупредувајќи дека таков потег би можел да следи доколку САД продолжат да ги блокираат мировните процеси, што, според нив, дополнително би ја загрозило глобалната трговија со стоки и енергија.
Заменик-министерот за надворешни работи на проиранската јеменска група Хути, Хусеин ел-Ези, предупреди дека би можело да дојде до затворање на морскиот теснец Баб ел-Мандеб, доколку, како што наведе, САД продолжат со политики кои „го попречуваат мирот“.
„Ако одлучиме да го затвориме Баб ел-Мандеб, тогаш целото човештво ќе биде немоќно да го отвори. Затоа е најдобро Трамп и неговите соучесници веднаш да ги прекинат сите активности и политики кои го попречуваат мирот и да покажат неопходна почит кон нашиот народ и нација“, напиша Ел-Ези на социјалната мрежа Икс, пренесува Ал Џезира.
Баб ел-Мандеб е еден од најважните поморски премини во светот, кој го поврзува Црвеното Море со Аденскиот Залив и претставува клучна рута за глобалната трговија, особено за бродовите што се движат кон Суецкиот канал.
Оваа закана доаѓа во контекст на засилените геополитички тензии на Блискиот Исток, при што секое евентуално затворање на теснецот би имало сериозни последици врз меѓународниот поморски сообраќај и снабдувањето со енергенси.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
