Општина Центар ja реконструира последната фаза од улицата „Ленинова“, на потегот од крстосницата со улицата „Илинденска“ до објектот на Министерството за земјоделство, шумарство и водостопанство.
– Во тек се градежни активности на последната делница, во должина од 250 метри. Со реконструкцијата се предвидува уредување на коловозот и на пешачките површини, поставување нови рабници, подигнување и нивелирање на сливниците и на уличните шахти, како и реконструкција на мрежата за јавно осветлување. Предвидено е и поставување ново урбано зеленило – соопштија општинските власти.
Тие додаваат дека со оваа фаза се комплетира целосната реконструкција на „Ленинова“, во вкупна должина од над 600 метри, со што улицата добива уреден, функционален и современ изглед, приспособен на потребите на жителите, пешаците, велосипедистите и на возачите.
– „Ленинова“ е важна сообраќајна артерија што го поврзува централното градско подрачје. Со оваа реконструкција, создаваме поквалитетен, пофункционален и побезбеден јавен простор за сите граѓани – нагласи градоначалникот на Општина Центар, Горан Герасимовски.
Првиот дел од улицата „Ленинова“ беше саниран во 2023 година, на потегот од булеварот „Партизански одреди“ до булеварот „Митрополит Теодосиј Гологанов“, a со тековниот зафат целосно се комплетира проектот.
ИЗДВОЕНИ
Убил најмалку пет лица: Се појави видео од моментот кога полицаец совладува напаѓач во Краков
Вооружен човек отвори оган на преполн плоштад во Полска, бројот на жртви расте
ЗНАМ: Нема пазарење со македонскиот јазик, нема отстапки без реципроцитет – патриотизмот се докажува со дела, а не со навреди!
Македонскиот кикбокс е на врвот, но спортските институции не нè вреднуваат како што заслужуваме!
