Самитите на НАТО не мора да се одржуваат секоја година, туку би можеле да се организираат еднаш на секои две години, изјави словачкиот претседател Петер Пелегрини денес на прес-конференција по дводневниот самит на Алијансата во Анкара.
Пелегрини рече дека Северноатлантската алијанса е во состојба ефикасно да функционира со американскиот претседател Доналд Трамп благодарение на генералниот секретар на НАТО Марк Руте, пренесува „Танјуг“.
Пелегрини ја истакна улогата на Руте откако Трамп повторно го спомена Гренланд и амбицијата на Соединетите Американски Држави да ја преземат контролата врз арктичкиот остров.
„Зад сцената на самитот, се дискутираше за можното проширување на американските воени бази на територијата на Гренланд, без потреба од промена на правниот статус на територијата. Од оваа перспектива, верувам дека НАТО, под водство на генералниот секретар Руте, кој има добри и конструктивни односи со претседателот Трамп, ќе го одржи темпото и моментумот на единство“, рече Пелегрини.
Тој оцени дека годишниот интервал е премногу краток за правилно да се проценат вистинските достигнувања на НАТО и посочи на трошоците и обемот на организирање на самитот.
„Ако не се случи ништо вонредно, интервал од две години можеби ќе биде посоодветен. Сепак, таква одлука сè уште не е донесена. Ќе видиме што ќе донесат наредните месеци“, заклучи Пелегрини.
ИЗДВОЕНИ
Еврокомесарката Кос и премиерот Мицкоски со иста цел, но со различни патишта до Брисел
КОЛУМНА, ЗВОНКО ДАВИДОВИЌ: Демократија на „апарати“, од партиски штабови до дигитални септички јами
Домашната пченица стои непродадена, а увезуваме пченица и брашно со сомнителен квалитет
Сиљановска-Давкова: „Најсилна Европа е онаа што живее во мир и демократија, заснована на принципи и вредности“
