Авионот Ил-76 на руското Министерство за вонредни ситуации, кој учествува во гаснењето пожари во Србија, продолжува да го гаси пожарот во Делиблатските Пештери, а само на првиот ден од неговиот ангажман во Србија, изврши пет лета и испушти вода десет пати.
Како што денес објави руското Министерство за вонредни ситуации, врз жариштата на пожарот се исфрлени вкупно 210 тони вода.
Според податоците од сателитското следење на руското Министерство за вонредни ситуации, во Србија се регистрирани 22 термални точки, а жариштата на пожарот се откриени во непосредна близина на населени места, пренесува Спутник.
View this post on Instagram
Акциите на руските спасувачи се одвиваат во тесна координација со службите на Република Србија на терен, со организациска поддршка на Руско-српскиот хуманитарен центар.
View this post on Instagram
Оперативната група на руското Министерство за вонредни ситуации продолжува да работи на територијата на Србија, обезбедувајќи соработка со српските колеги и спроведувајќи низа мерки за локализирање и гаснење на жариштата на пожарот.
Експертите прават сè што е можно за да спречат ширење на пожарот кон станбените згради и да ја минимизираат опасноста за населението.
