Силен земјотрес со интензитет од 7,8 степени според Рихтеровата скала го погоди јужниот дел на Филипините во понеделник, при што загинаа најмалку 15 лица и предизвика голема штета на зградите, а властите издадоа предупредување за цунами и започнаа спасувачки операции.
Според Геолошкиот завод на САД (USGS), земјотресот се случил во 7:37 часот наутро по локално време на длабочина од околу 35 километри. Епицентарот на земјотресот се наоѓал во близина на брегот на градот Генерал Сантос во покраината Сарангани, во најјужниот дел од островот Минданао.
Властите потврдија неколку смртни случаи, додека спасувачките екипи продолжуваат да бараат можни дополнителни жртви и повредени. Бројот на жртви сè уште не е конечно утврден.
Фотографиите и видеата од погодената област покажуваат оштетени и срушени згради, вклучувајќи продавници и ресторани. Во Генерал Сантос, град со околу 720.000 жители, евидентирана е значителна материјална штета.
Earthquake in General Santos City, The Philippines on June 8, 2026 pic.twitter.com/ye8LHYwVzB
— Noypi (@noypistuff) June 8, 2026
Земјотресот го погоди регионот на денот кога започна новата учебна година. На социјалните мрежи се појавија видеа од ученици од основно училиште кои се евакуираат на отворено во паника додека земјата силно се тресеше. Дел од покривот на средно училиште во покраината Давао дел Сур се урна, но нема пријавени повредени.
Филипинскиот претседател Фердинанд Маркос нареди итна мобилизација на сите надлежни агенции за евакуација на населението и спроведување на спасувачки операции.
NEW VIDEO: Building collapses in General Santos, Philippines following powerful earthquake. pic.twitter.com/ULOcQTE3Sp
— AZ Intel (@AZ_Intel_) June 8, 2026
„Граѓаните во погодените покраини треба веднаш да ги послушаат предупредувањата за цунами и да се упатат кон повисоките места. Не чекајте. Вашиот живот е поважен од кој било имот“, рече претседателот.
Бенџи Анчета, началник на полицијата во градот Алабела во покраината Сарангани, рече дека веднаш по ударот се појавиле големи пукнатини во зградата на полициската станица.
„Ова е најсилниот земјотрес што некогаш сме го почувствувале“, рече Анчета.
Мали цунами бранови се регистрирани на шест локации на филипинскиот остров Минданао откако силен земјотрес со јачина од 7,8 степени го погоди јужниот брег на земјата, објави Филипинскиот институт за вулканологија и сеизмологија.
Земјотресот го оштети и аеродромот во земјата. Во меѓувреме предупредувањето за цунами е укинато.
ИЗДВОЕНИ
ПОЗИТИВНАТА ЕНЕРГИЈА ОД САМИТОТ ЕУ – ЗАПАДЕН БАЛКАН СЕ ШИРИ ВО РЕГИОНОТ: „Нон-пејперот“ од Тиват донесе видлив оптимизам и во Македонија
ЖИВОТНИ ПАТОКАЗИ, ЗОРАН КРСТЕВСКИ: Лек за душевно страдање
ПРЕСАДЕНИТЕ СРЦЕ И БУБРЕГ СПАСИЈА ДВА ЖИВОТА: Хуман чин на скопско семејство ја врати надежта во силата на дарувањето на органите
Коњско и Голем Град – дијалози со езерото што чува спомени и со островот што зборува со векови
