„Разберете, не играм за да уживам – така е веќе 20 години“

На 40-годишна возраст, српскиот тенисер Новак Ѓоковиќ сè уште не се откажува од „белиот спорт“ и сака да се бори за титули, па затоа реши да отпатува во Кина, каде што учествува на турнирот во Пекинг. На него, Ѓоковиќ доминираше во својот „цут“ и долго време не го видовме во Пекинг, но сега се враќа по 11 години.

Кога беше прашан зошто одлучил да дојде во Пекинг, за турнирот од АТП категоријата 500, кој не е особено важен турнир, даде конкретен одговор.

„Никогаш не е само за уживање“, рече Ѓоковиќ: „Можев да играм егзибициски натпревари само за да уживам во публиката. Играм професионален турнир затоа што сакам и да победувам“.

„Тоа е всушност главната мотивација – секогаш се обидувам да се натпреварувам и да го победам противникот преку мрежата тој ден, за да одам што е можно подалеку на турнирот. Секако, ако можете да се натпреварувате на место каде што се чувствувате добро кога станува збор за услови, поддршка од публиката и атмосфера, тогаш сето тоа се собира и придонесува за уште подобар настап“, рече Ѓоковиќ, кој ќе се обиде да го освои својот прв трофеј оваа година.

На прашањето со какви очекувања дошол во Пекинг, со оглед на тоа што не е во одлична форма, Ѓоковиќ рече: „Секогаш имам очекувања од себе. Мислам дека, по кариерата што ја имав, не можам да бидам задоволен со тоа што сум исфрлен во првото коло од турнирот и да бидам среќен поради тоа. Секогаш се стремам да стигнам до финалните фази на секој турнир на кој играм“, кажа Ѓоковиќ и додаде:

„Знаете, сега не е поинаку и секогаш ќе биде исто сè додека се натпреварувам на највисоко ниво.“