Ратко Младиќ повторно е префрлен во болница, изјави денес за Танјуг неговиот син Дарко Младиќ.
„Разговаравме околу 10 часот наутро, накратко, имавме разговор. Сепак, два часа подоцна, околу 12 часот, ми се јавија од Трибуналот да ми кажат дека има симптоми, како да имал мозочен удар и дека го префрлиле во цивилна болница. Тоа е отприлика сè, рекоа дека ќе ме известат подоцна кога ќе имаат повеќе информации и тоа е сè.“
Дарко Младиќ рече дека до Хаг е доставено барање од вештакот за продолжување на рокот за донесување одлука за ослободување на генералот Младиќ, бидејќи прегледите не биле завршени во предвидениот рок.
