Пукна пријателството, Трамп распали по Мелони!

Американскиот претседател Доналд Трамп повторно ја нападна италијанската премиерка Џорџа Мелони затоа што одби да ја поддржи војната против Иран.

– Таа само вели дека Италија не сака да се меша. Иако Италија ја добива својата нафта оттаму, иако САД се многу важни за Италија. Таа не мисли дека Италија треба да се меша. Таа мисли дека САД треба да ја завршат работата наместо неа – рече американскиот лидер во интервју за весникот „Кориере дела Сера“.

Мелони застана во одбрана на папата Лав XIV откако Трамп го критикуваше, на што тој одговори со дополнителни навреди.

– Таа е неприфатлива, бидејќи не ја интересира дали Иран има нуклеарно оружје и би ја дигнале Италија во воздух за две минути ако имаше шанса – додаде тој.

Тој исто така откри дека не разговарал со италијанската премиерка „долго време“, и покрај тоа што ја опиша како „пријател“ и „голем лидер“ само пред неколку недели, што се промени штом САД и Израел го нападнаа Иран.

– Таа не сака да ни помогне со НАТО, не сака да ни помогне да се ослободиме од нуклеарното оружје. Тоа е многу различно од она што го мислев“, инсистираше тој.

Трамп, исто така, тврдеше дека Мелони „веќе не е истата личност“ и дека Италија „нема да биде истата земја“ бидејќи имиграциските и енергетските политики „ја уништуваат“, исто како и остатокот од Европа.

„Тие плаќаат највисоки трошоци за енергија во светот и не се ни подготвени да се борат за Ормускиот теснец, од каде што добиваат се. Тие зависат од Доналд Трамп да го држи отворен“, рече тој.