Првите снимки од земјотресот во Италија се застрашувачки: Возила згмечени од камења, урнат е цел рид, страв и паника/ВИДЕО

Голема материјална штета е регистрирана во Италија откако земјотрес со јачина од 4,7 степени ја погоди областа на Неапол во доцните попладневни часови. Епицентарот беше во областа Поцуоли, каде што земјотресот предизвика уривање на рид.

Тресењето на тлото беше силно почувствувано во Неапол и бројни општини во близина, предизвикувајќи страв и паника кај населението.

Според првичните информации, ова е најсилниот земјотрес регистриран откако феноменот на брадисеизам – бавното кревање и паѓање на земјата поради вулканска активност – повторно се интензивираше во областа Флегрејски полиња, пренесуваат италијанските медиуми.

Жителите на некои населби излегоа на улиците бидејќи беа почувствувани силните потреси.

Најголема штета е регистрирана во областа Поцуоли, каде што дел од планинската падина се урна во близина на градската железничка станица Кумана Џероломини.

 

View this post on Instagram

 

A post shared by Tutto Napoli.net (@tuttonapolinet)

Пријавени се штети на некои згради, а надлежните служби веднаш излегоа на терен за да ја проверат состојбата на зградите и инфраструктурата.

Снимките што пристигнаа од Италија покажуваат дека камењата ги смачкале возилата паркирани во близина.

Significant damage following a M4.7 earthquake that struck the Campi Flegrei, west of Naples, Campania, southern Italy. pic.twitter.com/6yivOZbb3J

— Weather Monitor (@WeatherMonitors) July 31, 2026

Земјотресот бил силно почувствуван и на островите во Неаполскиот Залив. Во Прочида, граѓаните пријавиле силни потреси во делови од улиците Марина Гранде, Либерта и Виторио Емануеле, како и во историската област Тера Мурата.

Краткотраен прекин на електричната енергија е регистриран и во некои делови од островот.

Градоначалникот на Прочида, Луиџи Муро, нареди активирање на општинскиот центар за цивилна заштита. По првичните проверки, не се пријавени повредени или сериозни материјални штети.

Потресите беа почувствувани и во Искија, особено во пристаништето Искија, Барано и Казамичола. Во моментов нема информации за поголеми штети на зградите или инфраструктурата, но тимовите продолжуваат да ја следат ситуацијата.

Властите го засилија надзорот во областа Флегрејски полиња, каде што експертите веќе некое време ја следат зголемената вулканска активност. На населението му се препорачува да остане смирено и да ги следи упатствата на цивилната заштита, пренесува хрватски „Телеграф“.