Триесет и двегодишен жител на Кавадарци е приведен под сомнение дека измамил 50-годишна жена од Куманово за вкупно 9.000 евра, ветувајќи ѝ дека ќе посредува за добивање странски пасош.
Според Министерството за внатрешни работи, осомничениот првично побарал 400 евра за наводното посредување, а потоа во повеќе наврати барал дополнителни суми. За краток период, оштетената му предала вкупно 9.000 евра, но тој продолжил да бара пари.
По претходна пријава, на 23 јули околу 13:50 часот на Градскиот плоштад во Кавадарци, полициски службеници од ОВР Кавадарци, во соработка со СВР Куманово, го лишиле од слобода осомничениот. Кај него биле пронајдени 2.000 евра што непосредно претходно ги зел од пријавителката, а парите биле претходно криминалистичко-технички обработени.
Од МВР информираат дека осомничениот бил задржан во полициска станица, а потоа изведен пред јавен обвинител, каде го признал делото.
По целосното документирање на случајот, против него ќе биде поднесена кривична пријава за кривично дело „измама“ по член 247 став 1 од Кривичниот законик.
ИЗДВОЕНИ
Ќе ги загубиме и овците и козите ако не реагира државата
Недоволна дезинфекција, незаштитени изворишта и неисправна вода – проблемите не почнаа со Гостивар
Поранешниот претседател на ФФМ, Муамед Сејдини излезе од притвор
УНЕСКО на Охридскиот регион му даде уште една шанса, засега нема да биде впишан на црната листа
