Позната е причината за трамвајската несреќа во Белград: Билансот на повредени лица порасна на 14 меѓу кои и 2 деца:/видео

Трамвај што се движел по улицата „Цар Душан“ во Белград излетал од шините и удрил во зграда на аголот од улицата Книќанинова.

Како што може да се види на видеото испратено од очевидци, кабината на трамвајот е целосно смачкана по ударот, а некои седишта се откорнати од ударот.

Во моментов нема информации за причината за несреќата, ниту за повредените. Службата за брза помош соопштила за Н1 дека екипи се на местото на настанот.

Според очевидци, се сомнева дека причина за несреќата е отворена свртница, поради што трамвајот продолжил право кон колосек, а потоа шини.

Билансот на повредени  се 14 возрасни лица, а кај двајца мажи, на возраст од 20 и 60 години, е констатирана потешка траума. Сите повредени возрасни се превезени во Ургентниот центар. Повредени се и две деца од 2 и 16 години, кои се префрлени во Универзитетската клиника на Тиршова.

„Се слушна силен тресок. Кога излеговме надвор да видиме што се случува, го видовме трамвајот како се удира во зграда. Требаше да продолжи право, по улицата „Цар Душан“. Слушнавме стенкање, женски глас, луѓето беа во шок. Полицијата и брзата помош пристигнаа многу брзо, го обезбедија местото и почнаа да ги одведуваат повредените“, изјави очевидец за Nova.rs.

Тој додава дека трамваите на тој дел од трасата често се движат со малку поголема брзина бидејќи најчесто продолжуваат право низ раскрсницата.

„Веројатно не очекувал дека ќе  сврти. По ударот, настанала паника. Патниците удирале по вратите и прозорците за да излезат, некои скокале од трамвајот. Вратите не можеле да се отворат“, рекол очевидец од местото на несреќата.

„Трамвајот излетал од шините и тргнал преку калдрмата. Екипи на брза помош и полиција пристигнале на местото на несреќата за неколку минути. Болничарите ги изнесувале луѓето од трамвајот на носилки. Трамвајот го управувала жена. Сите мислевме дека таа е најтешко повредена кога трамвајот удри во зградата, но за среќа не беше, и на крајот самата излегла од кабината“, изјавил сведокот на несреќата Страхиња Ќирковиќ за порталот Нова.рс.

 

View this post on Instagram

 

A post shared by 192.RS (@192_rs)

Додека полицијата и дежурниот обвинител спроведуваат официјална истрага, истрагата веќе го утврди клучниот фактор што довел до оваа сообраќајна драма. Како што пренесуваат српските медиуми, излетувањето на огромното железничко возило од шините се случило бидејќи прекинувачот на шините бил во погрешна положба.