Додека пожарите продолжуваат да ја пустошат јужна Европа, најтешко е погодена Грција, каде што двајца пожарникари загинаа на Крит, додека Турција, Шпанија и Франција исто така се борат со пожари.
Двајца грчки пожарникари загинаа во среда на островот Крит, каде што голем шумски пожар брзо се прошири поради силни ветрови, а властите наредија евакуација на околните села, објави грчката противпожарна служба.
Пожарот избувна порано во среда во регионот Ретимно и брзо се прошири во близина на селото Крија Вриси во централниот дел на островот. Жителите на три блиски села, вклучувајќи го и Крија Вриси, беа евакуирани.
Бројни шумски пожари избувнаа и во западниот дел на Турција, каде што некои куќи беа уништени, а жителите беа евакуирани, една јавна болница и некои патишта беа затворени, објавија локалните медиуми. Досега нема извештаи за смртни случаи или повредени, пренесува „Хина“.
ИЗДВОЕНИ
Заболените од западнонилска треска каснати од домашен комарец се од околината на Скопско Поле
Случај Гостивар: Заразата од водата се смирува, се очекува до крајот на неделата да биде и за пиење
МАКЕДОНСКАТА ЗАЕДНИЦА СЕ МОБИЛИЗИРА СПРОТИ ПРЕБРОЈУВАЊЕТО НА НАСЕЛЕНИЕТО: „Регистрирајте се како Македонци“ – ќе покаже ли пописот во Австралија над 200.000 нашинци?
ПО РЕАКЦИИТЕ НА АНТИКОРУПЦИОНЕРИТЕ И НА ОПОЗИЦИЈАТА ЗА НАБАВКИТЕ БЕЗ ТЕНДЕР: Законот за „Скопје 2028“ ќе почека до септември
