Првата украинска балистичка ракета со краток дострел, FP-7, која ја развива „Фаер Поинт“, треба да биде подготвена за употреба на есен, додека компанијата го развива и FP-9 со подолг дострел, изјави извршната директорка и технички директор на компанијата Ирина Терех.
Терех изјави за „Политико“ дека FP-7, тактичка балистичка ракета со дострел од 200 километри и боева глава од 150 килограми, веќе е во процес на сертификација, што вклучува борбени тестирања.
„Ќе ги спроведеме овие лансирања, ќе ја докажеме нејзината ефикасност во реални борбени услови, а потоа ќе биде подготвена за склучување договори“, рече Терех.
