„Подобро под перница“: Паника во Русија, граѓаните ги празнат банките

Русите повлекуваат милијарди од банките поради страв дека Кремљ би можел да ги искористи нивните пари за финансирање на војната во Украина, пишува „The Washington Post“.

Руските банки во последните недели забележаа рекордни количини на паричен тек, тренд што се совпаѓа со интензивирањето на нападите со беспилотни летала во Украина. Според податоците од Руската централна банка, објавени од „The Post“, само во првите две недели од август, граѓаните повлекле речиси 286,4 милијарди рубли, или околу три милијарди долари.

Големи одливи се забележани и во претходните месеци. Во јули, од банките беа повлечени 7,3 милијарди долари, а во јуни, повеќе од 4,5 милијарди.

Александра Прокопенко, поранешна советничка на руската централна банка, верува дека обемот на подигнувања го покажува степенот на недоверба кај граѓаните.

„Ова значи дека луѓето не веруваат ниту во руското банкарство, ниту во финансискиот систем“, рече Прокопенко. „Сето ова е последица на стравот дека властите би можеле да направат нешто со банкарскиот систем, односно дека би можеле да ги национализираат депозитите.“

Масовното подигнување готовина веќе создава проблеми со ликвидноста за некои руски банки, изјави поранешен висок функционер на рускиот финансиски систем за „Вашингтон пост“.

Според него, банките не очекувале толку силен бран на повлекување на пари. „За некои банки, ова е навистина проблем. Тие не го очекуваа тоа и ги инвестираа парите на друго место, а сега луѓето доаѓаат и повлекуваат половина трилион рубљи месечно.“