Воената блокада на Соединетите Американски Држави на целиот сообраќај што влегува во иранските пристаништа и излегува од нив почна денеска во 16 часот по средноевропско време (10.00 источноевропско), откако не успеаја мировните преговори во текот на викендот во Пакистан.
Цените на нафтата повторно надминаа 100 долари за барел, а брзите паднаа, бидејќи се очекува неуспешните преговори и блокадата дополнително да ја нарушат глобалнаа економија, пренесува „Си-ен-ен“.
Ограничувањата ќе се применуваат низ Персискиот залив, Оманскиот залив и Арапското море источно од Ормутскиот мореуз, соопшти Британскиот центар за координација на поморска трговија во предупредувањето до сите пловила, и ќе го опфати „целкиот ирански брег, вклучувајќи ги и пристаништата и енергетската инфраструктура“.
Ограничувањата ќе се однесуваат и на бродовите под секое знаме кое има врска со иранските пристаништа, нафтените терминали или крајбрежните системи“.
На неутралните бродови кои се наоѓаат во иранските пристаништа во моментот „и е одобрен ограничен рок на ги напуштат“ тие подрачја, додаде УКМТО.
„Преминот низ Ормутскиот теснец кон неиранските дестинации или од нив не е пријавен дека е нарушен со овие мерки; меѓутоа, бродовите можат да најидат на воено присуство, насочени комуникации или процедури на преглед во моментот на преинувањето“, се наведува во соопштението.
Се подготуваат понатамошни насоки за бродовите во врска со ограничувањата, се додава во соопштението.
Клучно прашање за време на американско-израелската војна со Иран беше Ормускиот теснец – витален воден пат што Техеран ефикасно го затвори од почетокот на конфликтот.
Претседателот на САД, Доналд Трамп, постојано ги повикуваше другите земји да испратат воени бродови за да им помогнат на САД повторно да го отворат теснецот, но тие повици во голема мера наидоа на мал одговор. Сега претседателот изјави дека војската на неговата земја ќе ги блокира бродовите од иранските пристаништа во теснецот почнувајќи од 16 часот по средноевропско време денес.
Тесен воден пат помеѓу Иран и Оман, Ормускиот теснец е главна рута за транспорт на сурова нафта од земји богати со нафта како Саудиска Арабија и Кувајт до остатокот од светот.
Иран ја контролира северната страна на теснецот. Околу 20 милиони барели нафта минуваат низ него секој ден, или околу една петтина од дневното светско производство, според американската Администрација за енергетски информации, која го нарекува преминот „критично тесно грло за нафта“. Според EIA, „постојат многу малку алтернативни опции за транспорт на нафта надвор од теснецот доколку тој е затворен“.
Околу една петтина од светската трговија со течен природен гас, исто така, поминува низ теснецот.
Енергетските аналитичари предупредуваат дека цените на нафтата и природниот гас веројатно ќе останат високи сè додека теснецот не се отвори повторно.
