среда, ноември 18, 2026
Дома СПОРТ Победникот во Лигата на шампионите не сака да трча

Победникот во Лигата на шампионите не сака да трча

84
epaselect epa12148248 PSG captain Marquinhos lifts the trophy after the team won the UEFA Champions League final between Paris Saint-Germain and Internazionale Milano in Munich, Germany 31 May 2025. PSG won 5-0. EPA-EFE/RONALD WITTEK

Рускиот голман Матвеј Сафонов откри малку необична причина зошто решил да застане меѓу стативите, а неговата изјава ги насмеа љубителите на фудбалот. Голманот на ПСЖ откри дека неговата голманска кариера почнала речиси случајно. Пораснал во спортско семејство, неговиот татко бил кошаркарски тренер, а пред фудбалот, тренирал теквондо и пливање, а едно време дури играл и ах.

Одлучувачкиот момент дошол кога го посетил еден скаут од Краснодар неговото училиште, во потрага по високи момчиња.

– Бараа високи момци и веќе на вториот тренинг ме ставија на голот. Се покажав одлично. Мразам да трчам и претпочитам другите да го прават тоа – се пошегува Сафонов.

Рускиот репрезентативец моментално брани за актуелниот европски клупски шампион, каде што помина низ значаен развој.

По првата сезона во која беше претежно резерва и имаше 17 настапи, мораше да се бори за место во тимот по доаѓањето на Лукас Шевалие.

Беше на клупата некое време, но подоцна повторно ја доби својата шанса и се избори за позначајна улога.

Тој особено го истакна влијанието на тренерот Луис Енрике врз неговиот развој.

– Овие две години беа клучни. Длабоко се променив ментално, физички и тактички. Без Луис Енрике, не би бил голманот што го гледате денес – рече Сафонов.

Неговата приказна покажува дека може да се родат некои одлични фудбалски кариери сосема случајно, па дури и од желба да се трча што е можно помалку.

 

ИЗДВОЕНИ