Управата за хидрометеоролошки работи (УХМР) издаде метеоаларм поради очекуваните високи температури што ќе ја зафатат земјава во периодот од 29 јули до 2 август 2026 година.
Според најавите на УХМР, во наредните денови ќе преовладува многу топло време, а во поголем дел од државата се очекуваат екстремно високи дневни температури.
Надлежните апелираат граѓаните да бидат внимателни, особено во најтоплиот дел од денот, да избегнуваат подолг престој на директно сонце, да внесуваат доволно течности и да ги почитуваат препораките за заштита од топлотниот бран.
Посебна претпазливост се препорачува за постарите лица, хронично болните, децата, бремените жени, како и за лицата кои работат на отворено.
Од УХМР информираат дека ќе продолжат внимателно да ја следат состојбата и навремено ќе ја известуваат јавноста за евентуални промени на временските услови.
ИЗДВОЕНИ
Со ребалансот обезбедени средства за исплата на субвенции за 2025 година
Проф. д-р Марко КИТЕВСКИ: Подигнете споменик на непознатиот јунак
Заразата од водата во Гостивар се смирува, до крајот на неделата се очекува водата да се пие
Нови случаи на западнонилска треска, Комисијата заседава – се дезинфицира околината на домовите на заболените
