„Парамаунт“ го заврши преземањето на „Варнер Брос“, договор вреден 110 милијарди долари – создаден е нов холивудски гигант

Компанијата „Парамаунт Скајденс“ денес ја финализираше аквизицијата на „Варнер Брос. Дискавери“ во договор вреден приближно 110 милијарди долари (околу 94,5 милијарди евра).

Со овој потег е создаден нов голем глобален конгломерат за продукција и дистрибуција на забавни содржини, наречен „Скајденс“, објави „Ен-би-си“.

Спојувањето обединува два големи холивудски филмски студија под еден покрив, како и платформите за стриминг „Ејч-би-оу макс“ и „Параманут + и телевизиските мрежи „Си-би-ес“, „Си-ен-ен“, „Си-би-ес Њуз“ и широко портфолио на реномирани филмски и телевизиски франшизи – вклучувајќи ги „Хари Потер“ (Harry Potter), „Невозможна мисија“ (Mission: Impossible), „Топ Ган“ (Top Gun) и „Кум“ (The Godfather), пренесе „Танјуг“.