Американскиот претседател Доналд Трамп денеска на Генералното собрание на ОН изјави дека е „изненаден“ што гледа како Си-ен-ен (CNN) известува за него и ѝ порача на екипата на мрежата дека „не треба да бидат тука“, откако претходно – заедно со „Политико“ (Politico) и „МС Нау“ (MS NOW) – им забрани да известуваат од Белата куќа во петокот.
„Обединетите нации ни дозволија да бидеме тука, господине“, му рече новинарот на Си-ен-ен на Трамп, откако американскиот претседател почна да приговара за присуството на „Си-ен-ен“.
Трамп ѝ се обрати на американската телевизиска екипа: „Не треба да бидете тука и да известувате за мене“.
„Рековте дека нема да известувате за мене; не треба да го правите тоа“, додаде Трамп.
Си-ен-ен, заедно со „МС Нау“ и „Политико“, ја тужеше администрацијата на Трамп поради забраната за известување од Белата куќа, додека други медиуми што редовно вршат телевизиско покривање на претседателските активности ја прекинаа својата работа во знак на солидарност со нив.
