сабота, ноември 21, 2026
Дома МАКЕДОНИЈА „ОХРИД НЕ МОЛЧИ“: Втор протест против насилството врз Сара, граѓаните бараат одговорност...

„ОХРИД НЕ МОЛЧИ“: Втор протест против насилството врз Сара, граѓаните бараат одговорност од институциите

0
Foto: Printscreen/YouTube

По минатонеделниот протест денеска во Охрид се одржа уште еден за насилството врз Сара Ѓорѓиеска кое го потресе градот. На 15 ноември Сара Ѓорѓиеска (26) беше крвнички претепана од нејзиното момче, 31-годишниот Кристијан Корабоски и фрлена од автомобил на улица. Корабоски е во 30-дневен притвор, обвинет е за крвичните дела телесна повреда, противправно лишување од слобода и загрозување на сигурноста, а судењето започнува на 27 ноември во Охрид.

На протестот се извикуваше „Охрид не молчит“ и „Ниту една повеќе“ и се побара одговорност од институциите и поголема заштита на жртвите.

На протестот се приклучи Љупчo Ѓорѓиески, таткото на 26-годишна Сара покажувајќи нејзина фотографија на која ѝ се гледаат модрици по лицето. „Ова е ќерка ми Сара. Ниту еден родител да не го види вакво своето дете и да не го доживее тоа што ни се случи на нас“, рече кусо Ѓорѓиески.

Од протестот беше упатен повик за навремени реакции по секоја пријава за насилство, ефикасни истраги и институционално постапување без политички влијанија.

„Насилството не е приватна работа, не е проблем на една личност, на едно семејство. Тоа е наш заеднички проблем. Молкот го штити насилството, Охрид повеќе не молчи, не сакаме повеќе жртви“, рекоа организаторите на протестот во Охрид.

Граѓаните од кејот на Охрид се упатија на марш низ Чаршијата, а потоа отидоа и до шолицијата и до зградата на Основниот суд во Охрид.

ИЗДВОЕНИ