Екипите на ЈП Комунална хигиена-Скопје во текот на април отстранија вкупно 2.750 кубни метри мешан комунален, кабаст и градежен отпад од диви депонии лоцирани во сите скопски општини. Најголемо количество непрописно одложен отпад е расчистено во општината Карпош.

Во рамките на минатиот месец, претпријатието подигна и транспортира 14.915 тони мешан комунален отпад од домаќинствата на територијата на градот Скопје.

– ЈП Комунална хигиена-Скопје продолжува да ја одржува јавната хигиена на скопските булевари и улиците што се во надлежност на Градот Скопје, преку секојдневно машинско и рачно метење и миење, како и  плоштадот и улицата Македонија, помалите плоштади Филип Втори, Мајка Тереза и Богородица, пешачките мостови во централното градско подрачје, пешачките патеки и тротоарите на мостовите „Гоце Делчев”, и „Слобода” и Старата скопска чаршија – информираа од комуналното претпријатие.

Во април претпријатието реализираше предавања за примарна селекција и правилно постапување со отпадот за 208 ученици во скопските училишта, додека во градинката Весели цветови-клон Синоличка, во општината Кисела Вода, беше организирана еко-манифестација за одбележување на Денот на планетата Земја.

 

 

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ