Граѓаните на неколку града во Србија биле изненадени откако подигнале од банкоматите банкноти од 1.000 динари, со испечатени владини слогани. Како што објавува порталот „Автономија“, на банкнотите со печат во сина боја се втиснати изборните слогани на Српската напредна партија (СНС): „Србија победува“ и „Обединета Србија“.
На новинарите на „Автономија“ тие им покажале три такви банкноти, тврдејќи дека ги подигнале непосредно пред тоа. Набрзо почнаа да се шират слични примери на социјалните мрежи, каде што корисниците објавуваат фотографии од пари со истиот печат, наведувајќи дека ги подигнале од банкоматите на „Банк поштанска штедионица“, пишува Нова.рс.
Известувањето за такви банкноти не доаѓа само од Нови Сад туку и од други делови на земјата. Уредниците на порталот Н1 биле контактирани од читатели од Ниш со идентична приказна. Од тамошните банкомати, тие добиле банкноти од 1.000 динари обележани со слоганите на партијата на Вучиќ.
Засега нема официјално објаснување како завршиле банкнотите со таков печат во редовен оптек и во банкоматите.
ИЗДВОЕНИ
Гоце, те молиме, не бори се толку, можеби така ќе победиме
Вреди: Како го заработи Груби имотот вреден 335 илјади евра?
Таен план на 27 земји: Брисел подготвува план за одговор на напад што би можел да однесе голем број човечки животи
Бесежето привремено стопирана и во Македонија, се проверуваат сериите
