Во бугарските општини Габрово и Дрјаново е прогласена вонредна состојба по обилните дождови што предизвикаа проблеми на неколку локации за краток временски период.
Ситуацијата во Дрјаново е особено тешка, бидејќи водата целосно го поплави подрачјето на спортскиот комплекс „Локомотива“. Пристапот до мостот што води до стадионот е ограничен, додека мостот кон железничката линија и улицата Поп Харитон е сериозно загрозен, јавуваат локалните медиуми.
Клубот објави дека реката се излеала и го поплавила стадионот на Локомотив, наведувајќи дека водата однела сè пред неа и дека, како што може да се види на видеото, дури и мијалник е превртен. Тие додадоа дека сцената е шокантна и крајно вознемирувачка.
Иако во моментов нема потреба од евакуација на населението, надлежните служби предупредуваат дека доколку врнежите продолжат во следните 24 часа, водата би можела да се излее во најниските делови од градот, како и во некои околни населби, пренесе „Србија данас“.
ИЗДВОЕНИ
Македонците веќе нема лесно да одат на работа во Германија без диплома и искуство
Преговорите за Изборниот законик повторно во ќор-сокак, дијаспората останува главен камен на сопнување
Три нови лека против згрутчување на крвта на позитивната листа
Поротниците во Кривичниот суд стапија во мирен протест поради ниските дневници
