Нов фемицид се случи во битолската населба Баир, 31-годишната Ајнет Вејсел, мајка на четири деца, била избодена до смрт од сопругот со кој била разделена. Убиството се случило вчераутро во 6 и 40 часот на ул. „5-та“. Сопругот, на возраст од 33 години, е приведен и за него е предложена мерка притвор. Мотивот за фемицидот е семејна расправија и недоразбирања кои траеле подолг период.
Сопружниците биле разделени, жената заминала да живее кај семејството, а недоразбирањата продолжиле. Жртвата не го пријавувала малтретирањето поради децата.
ОЈО Битола издаде наредба за обдукција за починатата, а од местото на настанот се подигнати траги и материјални докази кои ќе бидат предмет на вештачење.
Од Национална мрежа против насилство врз жени и семејно насилство бараат итна, темелна и транспарентна истрага за случајот во Битола, вклучително и проверка дали претходно имало пријави за насилство или сознанија кај институциите.
„Доколку се утврдат пропусти, бараме индивидуална одговорност и санкции за секое службено лице што не постапило согласно законските обврски. Бараме и итни финансиски инвестиции во специјализирани сервиси за жртви на насилство низ целата држава, како и зголемување на професионалните ресурси во сите институции, особено во МВР и центрите за социјална работа, кои ќе бидат фокусирани на заштита од насилство, порачуваат од мрежата
ИЗДВОЕНИ
Почина Владо Јаневски: Зад себе остави безвременски хитови и незаборавно музичко наследство
СЕ РАЗЈАСНУВА РАСПРЕДЕЛБАТА НА ВЛАДИНИТЕ РЕСОРИ: Вреди со шест ресори меѓу кои и правда, култура и односи меѓу заедниците, ЗНАМ со две министерства
НАЈАВА ОД ЧЕСТВУВАЊЕTO НА СПОМЕНОТ НА ПРОГОНОТ НА МАКЕДОНЦИТЕ ВО ГРАЃАНСКАТА ВОЈНА ВО ГРЦИЈА: Релјефот на мајката со трите деца се враќа на споменикот на децата бегалци од Егејска Македонија
ЖИВОТНИ ПАТОКАЗИ, ЗОРАН КРСТЕВСКИ: ЖИВЕЈ СО СМИСЛА
