Денес во Токио се одржа самит меѓу јапонската премиерка Санае Такаичи и францускиот претседател Емануел Макрон, кој покрај сериозните политички теми, означи и еден необичен момент.
Имено, за време на заедничкото обраќање до медиумите, двајцата лидери ја изведоа препознатливата поза „Камехамеха“ од популарната аниме серија „Dragon Ball“, која предизвика воодушевување и брзо стана вирална на социјалните мрежи.
Според достапните информации, иницијативата за овој потег ја презеде премиерката Такаичи на самиот крај од говорот, што го насмеа Макрон и го охрабри да ѝ се придружи.
Иако овој детаљ привлече внимание од јавноста, самиот самит беше спроведен со сериозен тон. Лидерите разговараа за предизвиците во глобалната безбедност, со посебен фокус на тензиите на Блискиот Исток, како и за соработката во рамките на групата Г7, со која Франција претседава оваа година.
Такаичи ја презеде функцијата во октомври 2025 година како прва жена шеф на јапонската влада, а нејзината популарност, особено кај помладите гласачи, дополнително се зајакна по убедливата победа на предвремените избори во февруари 2026 година.
Japanese Prime Minister Takaichi did a Dragon Ball Kamehameha pose with Macron at their summit in Tokyo. pic.twitter.com/afTufI1a66
— The Daily News (@DailyNewsJustIn) April 1, 2026
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
