Полскиот претседател Карол Навроцки објави дека ќе покрене постапка за одземање на највисокото полско државно одликување на украинскиот претседател Володимир Зеленски, по одлуката на Киев да именува воена единица по Украинската бунтовничка армија (УПА).
Според полскиот портал Онет, Навроцки рекол дека предложил прашањето да се стави на дневен ред на состанокот на комисијата за Орден на Белиот орел на 8 јуни.
„Предложив една од точките да биде одземање на орденот на претседателот Володимир Зеленски“, потврди Навроцки за новинарите.
