Најмалку 12 лица повредени во руски напад врз Одеса

Најмалку 12 лица се повредени во масовен напад со ракети и беспилотни летала врз Одеса, соопшти Серхиј Лисак, шеф на Воената управа на Одеса.

Лисак изјави дека во нападот е оштетена повеќекатна станбена зграда, а повредените добиле неопходна медицинска помош, пренесува „Укринформ“.

Надлежните служби се упатени на местото на настанот, а формиран е и оперативен штаб за справување со последиците од нападот, пренесува „Танјуг“.