„Пред два дена, рускиот танкер „Анатолиј Колодкин“, кој е под западни санкции, притигна во кубанското пристаниште Матанзас“ со 730.000 барели нафта, што е првпат во последните три месеци некој танкер со нафта да пристигне на Куба.
Експертите проценија дека испорачаната количина би можела да биде доволна за производство на околку 180.000 барели дизел, што би ја задоволилно дневната побарувачка на Куба за девет-десет дена.
На маргините на енергетскиот форум во руски Казањ, Цивиљов рече дека Куба е „во целосна блокада и е отсечена“.
„Чија испорака на нафта пристигна? Рускиот брод ја проби блокадата. Втор тукушто се полни, нема да ги оставиме Кубанците во неволја“, рече Цивиљов.
Во Хавана денеска стотици граѓани излегоа на улиците со велосипеди, мотоцикли и помали трицикли, демонстрирајќи против ембаргото што САД ѝ го воведоа на Куба.
Кубанскиот претседател Мигел Дијас-Канел и други државни функционери го набљудуваа протестот, но не учествуваа во него. Некои граѓани кои возеа електрични тротинети викаа: Кој се плаши тука? Кој тука ќе се предаде?“
Претседателот на САД Доналд Трамп се закани на крајот на јануари дека ќе воведе царини за секој земја кој продава или ѝ испорачува нафта на Куба, но неодамна рече дека „нема проблем“ со рускиот танкер кој во вторникот им достави нафта на Кубанците, велејќи дека не смета дека тоа ќе придонесе за опстанокот на кубанската влада.
„Куба е готова. Имаат лош режим. Имаат многу лошо и корумпирано раководство им нема да има никакво влијание дали ќе добијат брод со нафта или не“, изјави Трамп за новинарите во неделата.
Куба произведува околу 40 проценти од своето гориво и се потпира на увоз за да ја одржи својата енергетска мрежа во функција, која е во многу лоша состојба.
Порано добиваше нафта од Венецуела, но тие испораки беа прекинати откако САД ја нападнаа јужноамериканската земја на 3 јануари и го киднапираа нејзиниот лидер, Николас Мадуро, за да го изведат пред суд. Мексико, исто така, ги прекина испораките на нафта за Куба откако Трамп се закани дека ќе воведе царини.
Енергетската блокада на САД ја продлабочи енергетската и економската криза на Куба, што доведе до масовни прекини на електричната енергија, ограничување на системот за дистрибуција на храна во државата и недостиг на вода и лекови.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
