Водата за пиење во повеќе реони во Крушево е микробиолошки неисправна, соопшти Центарот за управување со кризи (ЦУК), повикувајќи се на известување од Регионалниот центар за управување со кризи – Битола.
Според информациите од Центарот за јавно здравје – Прилеп, врз основа на анализите на примероците земени на 20 јули 2026 година, микробиолошки неисправна е водата од чешмите кај „Св. Петка“, Крајпатната бензинска, реонот на Црешово Топче, Старата црква и реонот под хотел „Монтана“.
Од ЈП „Комуна“ – Крушево апелираат до граѓаните да не ја користат водата од чешма за пиење, туку да користат флаширана вода.
За подготовка на храна и за миење, од јавното претпријатие препорачуваат водата претходно да се преврива најмалку 10 минути, сè до добивање нови резултати од анализите кои ќе потврдат дека таа е безбедна за употреба.
Надлежните ги повикуваат граѓаните да ги почитуваат препораките сè додека не биде соопштено дека водата повторно е исправна за пиење.
ИЗДВОЕНИ
Поранешниот претседател на ФФМ, Муамед Сејдини излезе од притвор
УНЕСКО на Охридскиот регион му даде уште една шанса, засега нема да биде впишан на црната листа
ПО НЕВРЕМЕТО ПОЧНА ПОСТАПКАТА ЗА ОБЕСШТЕТУВАЊЕ: Се бројат штетите, ќе се санира ли пустошот со пет проценти?
Партизанската печатница во Битуше го преживеа пожарот, но не и негрижата
