Белорускиот претседател Александар Лукашенко денеска со указ помилува 15 затвореници; одлуката уследи по разговорите одржани минатата недела со пратеник на американскиот претседател Доналд Трамп.
Пратеникот на Трамп, Џон Кул, повеќе од една година преговара со Лукашенко и досега овозможи ослободување на неколку стотици затвореници – вклучувајќи опозициски фигури, активисти, новинари и адвокати – во замена за укинување на одредени американски санкции.
Организацијата за човекови права „Вјасна“, која е забранета, наведува дека во Белорусија сè уште има 883 политички затвореници, осудени за дела како што се екстремистички активности, поттикнување омраза или навреда на претседателот.
Лукашенко, близок сојузник на рускиот претседател Владимир Путин, владее со Белорусија од 1994 година. Тој го негира постоењето на политички затвореници во оваа поранешна советска република, но соработуваше со администрацијата на Трамп за да обезбеди ублажување на санкциите и намалување на меѓународната изолација.
Кабинетот на Лукашенко соопшти дека меѓу 15-те новопомилувани лица има 10 жени и дека 13 од нив „сториле кривични дела од екстремистичка природа“.
Беше наведено дека помилувањата се доделени откако лицата побарале помилување и изразиле каење, пренесе „Бета“.
ИЗДВОЕНИ
Игор Ивановски, Андреј Петров и поранешните функционери на СДСМ тргнуваат во војна за смена на лидерот: Венко Филипче е некомпетентен
Граѓаните плаќаат 3.000 евра за квадрат, а добиваат стан со влага, мувла, без вентилација….
Македонскиот минималец точи 250 литри дизел, словенечкиот двојно повеќе
Нема лекарска грешка кај родилката од Струмица, причината најверојатно е спонтано крварење
