Лондон издал повеќе од 13.000 казни на сопственици на скапи автомобили од ОАЕ, само еден процент се платени

Казните не им значат ништо: Богатите носат супер автомобили во Лондон и ги оставаат каде што сакаат.
Богатите сопственици на автомобили Ферари, Ламборџини, Мекларен и Бентли кои доаѓаат во Лондон во текот на летото сè повеќе стануваат проблем за локалните власти.

Нивните автомобили со регистарски таблички од Обединетите Арапски Емирати, Катар и други земји од Заливот собираат казни за паркирање, но многу од нив никогаш не се платени.
Според податоците објавени од Волстрит Журнал, лондонската општина Вестминстер се обидела да наплати 13.423 казни издадени за возила регистрирани во ОАЕ од 2018 до 2022 година. Само еден процент од казните биле платени, пишува „CarScoops.“

Проблемот е особено изразен околу луксузната продавница Хародс, каде што автомобилите се оставаат во одредени зони за достава, автобуски станици, такси станици и зони со двојна жолта линија.
Меѓу нив биле забележани Ферари Пуросанг вредни околу 400.000 долари и бројни други супер автомобили.
Катар не е многу подобар пример. Возилата со катарски регистарски таблички добија дури 2.570 казни во округот Вестминстер минатата година, што е повеќе од возилата од Германија и Франција.

Четирите земји од Персискиот Залив заедно учествуваа со 41 процент од сите казни издадени на странски возила.
Главниот проблем е што британските власти честопати не можат да ја добијат адресата на сопствениците на возила регистрирани надвор од Европа. Владата на Велика Британија потврди дека податоците за сопствениците не можат да се споделуваат на меѓународно ниво за цели на наплата на граѓански долгови.

Ситуацијата е уште попарадоксална бидејќи некои сопственици дури и ги транспортираат своите автомобили со авион до Лондон и назад, што може да чини околу 29.000 евра во еден правец.

Казна од неколку стотици евра очигледно не е посебна пречка за нив.

Вестминстер тврди дека ги спроведува казните за странските возачи на ист начин како и домашните, но британската влада засега нема планови да им даде на локалните власти пошироки овластувања за запленување возила